Arsenal është shumë pranë arritjes së një marrëveshjeje afatgjatë me mbrojtësin brazilian Gabriel Magalhães, duke siguruar qëndrimin e tij në “Emirates” për shumë vite të tjera.

Sipas raportimeve nga BBC, negociatat janë në fazat përfundimtare, dhe marrëveshja pritet të zyrtarizohet së shpejti, shkruan Arbresh.info.

Arsenal are in advanced talks with defender Gabriel over a new contract ?#BBCFootball pic.twitter.com/eP0nRnJCbT

— Match of the Day (@BBCMOTD) May 29, 2025

Kontrata e re do të jetë e vlefshme deri në qershor të vitit 2030, duke konfirmuar besimin e klubit te një nga shtyllat kryesore të mbrojtjes.

Gabriel ka qenë një element kyç në skuadrën e Mikel Artetës, duke i dhënë stabilitet mbrojtjes së “Topçinjve” dhe aktualisht ka kontratë me klubin deri në qershor të vitit 2027.

Ai është pjesë e klubit që nga sezoni 2020/21, kur u transferua nga Lille.

Këtë sezon ai ka luajtur 42 ndeshje në të gjitha kompeticionet duke shënuar pesë gola dhe dhuruar tri asistime.

Sezoni i tij përfundoi më herët pasi pësoi një dëmtim të rëndë në ndeshje me Fulhamin, ku ia pamundësoi të luaj më këtë edicion./Arbresh.info